Трамп: Водам сериозни разговори со Путин за завршување на војната

Од:

Доналд Трамп денеска изјави дека е во „сериозни разговори“ со рускиот претседател Владимир Путин за завршување на војната во Украина.

Во објава на социјалната мрежа Truth Social, Трамп рече дека имало и дискусии за „голем напредок во економскиот развој“ меѓу САД и Русија, додавајќи дека разговорите „одат многу добро“.

Трамп го коментираше и неодамнешниот повик меѓу лидерите на Г7, по повод третата годишнина од почетокот на војната во Украина. Тој го повтори своето тврдење дека војната „никогаш немаше да започне ако бев претседател“, нагласувајќи ја важноста од постигнување договор што би можел да стави крај на конфликтот.

Зборувајќи за разговорите, Трамп рече дека лидерите на Г7 изразиле заедничка цел за постигнување крај на војната и тој лично ја истакна важноста на договорот за „виталните критични минерали и ретките земји“ меѓу САД и Украина.

Овој договор, според Трамп, треба да биде потпишан многу брзо и да му овозможи на „американскиот народ да надомести десетици милијарди долари“ потрошени за воена помош за Украина, а истовремено да ја поттикне украинската економија.

Би можело да ве интересира

Честитка од Трамп до Сиљановска Давкова за Денот на независноста

Предраг Петровиќ

Путин: Развојот на Сибир и Далечниот Исток се приоритет за Русија во 21 век

Присуството на западна воена сила во Украина ќе биде само нова интервенција во земјата, вели Царев

Туск: Нема да разговарам со никого на колена

Горан Наумовски

Зеленски тврди: Путин ги отфрла сите обиди за преговори

Путин: Русија ќе ги смета потенцијалните западни сили во Украина како легитимни цели