Смешен е потегот на американскиот милијардер Илон Маск да формира нова политичка партија, изјави денес американскиот претседател Доналд Трамп.
„Мислам дека е смешно да се основа трета партија. Тоа само ја зголемува конфузијата. Нека се забавува со тоа, но јас мислам дека е смешно“, рече Трамп.
Трамп рече дека има големи шанси следната недела да се постигне договор за прекин на огнот во Појасот Газа и ослободување на израелските заложници што сè уште ги држи Хамас.
„Таквиот договор би можел да вклучува неколку заложници“, рече Трамп пред патувањето во Вашингтон, каде што ќе се сретне со израелскиот премиер Бенјамин Нетанјаху.
