Американскиот претседател Доналд Трамп изрази оптимизам дека Соединетите држави и Кина на крајот ќе постигнат договор за царини што ќе биде многу добро за двете земји, истакнувајќи ги неговите добри односи со кинескиот претседател Кси Џинпинг.
„Ќе видиме што ќе се случи со Кина. Би сакале да можеме да склучиме договор. Тие навистина ја искористија нашата земја долго време“, рече Трамп, кој ги обвини поранешните американски претседатели дека дозволиле, како што наведе, Кина да ги киднапира САД, објави Си-Ен-Ен.
Трамп рече дека многу го почитува кинескиот претседател, велејќи дека тој е негов пријател долго време.