САД имаат потреба од здрави граници и строга контрола, објави денеска американскиот претседател Доналд Трамп на својот налог на Твитер, откако федерален судија издаде наредба за привремена забрана за депортација на луѓе од земјите, наведени во указот на Доналд Трамп за миграцијата.
– Земјата има потреба од здрави граници и исклучителна контрола СЕГА, напиша Трамп.
– Видете што се случува во Европа, а всушност и во светот – ужасен хаос!, додаде тој.
Федерален судија од Бруклин ја запре привремено депортацијата на луѓето со визи или на бегалци, кои останале заробени на разни аеродроми низ светот, по најновиот указ на Трамп.