Американскиот претседател Доналд Трамп би можел да го пропушти самитот на НАТО во јуни доколку нема зголемување на воените трошоци, објави „Дер Шпигел“.
Новиот амбасадор на САД во НАТО, Метју Витакер, ги предупреди амбасадорите на алијансата за ова и го нагласи барањето на американската администрација земјите-членки да се обврзат да трошат пет проценти од својот БДП за одбрана.
„Првично, Германците веруваа дека Американците не се сериозни во врска со овие пет проценти, дека тоа е само преговарачка тактика. Но, сега му веруваат на Витакер на збор“, се наведува во публикацијата.
Претходно, генералниот секретар на НАТО, Марк Руте, предложи сојузниците во рамките на алијансата да трошат 3,5 проценти од БДП за одбрана и дополнителни 1,5 проценти од БДП за други трошоци поврзани со одбраната.
„Генералниот секретар на НАТО, Марк Руте, предложи членките на алијансата да ги зголемат трошоците за одбрана на 3,5 проценти од БДП, како и да потрошат дополнителни 1,5 проценти за други ставки поврзани со одбраната, за да се исполни барањето на Доналд Трамп да се достигне целната бројка од пет проценти“, според извештајот на Ројтерс.
Дури и пред да ја преземе функцијата, Трамп рече дека сите членки на НАТО треба да издвојуваат пет проценти од БДП за одбрана, а се закани и дека ќе ги повлече САД од Алијансата, објави RT Balkan.