Новинарот на CNBC, Џо Кернер, изјави дека разговарал со американскиот претседател Доналд Трамп, кој наводно му потврдил дека се во тек „многу интензивни разговори“ меѓу САД и Иран.
Кога Кернер прашал со кого конкретно разговарал, Трамп рекол: „Па, тие имаат претставници“.
„Верувам дека режимот е променет (во Иран), бидејќи ова се нови луѓе со кои разговарам“, му рекол Трамп на Кернер.
Трамп изјави дека во последните два дена се водат „продуктивни“ разговори, по што иранската новинска агенција Фарс, повикувајќи се на неименувани извори, објави дека немало никаков директен ни индиректен контакт меѓу Иран и САД.
