Американскиот претседател Доналд Трамп денеска потврди дека одобрил продажба на софистицирана воена опрема на Јапонија и на Јужна Кореја.
– Одобрувам Јапонија и Јужна Кореја да купат значително поголемо количество висока софистицирана воена опрема од САД, напиша Трамп на Твитер.
Неговата одлука уследи по последната нуклеарна проба на Северна Кореја.
Белата куќа вчера соопшти дека Трамп во телефонскиот разговор со претседателот на Јужна Кореја Мун Џае-ин дал „начелно“ одобрување за укунивање на рестрикциите за ракетните боеви глави на Сеул, како и за продажба на оружје на Јужна Кореја во висина од повеќе милијарди долари.