Трамп: Можен е договор меѓу Русија и Украина

Од:

Американскиот претседател Доналд Трамп најави можен договор меѓу Русија и Украина следната недела.

– Се надеваме дека Русија и Украина ќе постигнат договор оваа недела. Тогаш и двете ќе почнат да прават голем бизнис со Соединетите Американски Држави и ќе заработуваат богатство, напиша Трамп на социјалната мрежа „Вистина“.

Велигденскиот прекин на огнот на фронтот во Украина е на сила до полноќ.

Москва тврди дека украинските сили се обиделе да ги нападнат населбите Суха Балка и Богатир во ДНР и дека користеле 48 дронови.

Американскиот Стејт департмент соопшти дека ќе го поздрави продолжувањето на еднодневниот велигденски прекин на огнот, прогласен од рускиот претседател Владимир Путин.

Украина предлага Русија да ги прекине нападите со беспилотни летала и ракетни напади врз цивилната инфраструктура на најмалку 30 дена, изјави украинскиот претседател Володимир Зеленски.

„Доколку Русија не се согласи на таков чекор, тоа ќе биде доказ дека има намера да го продолжи само она што уништува човечки животи и ја продолжува војната“, напиша Зеленски на социјалната мрежа Х.

Властите во Киев не го почитуваа примирјето на Велигден, користејќи американски ракети ХИМАРС за удари, изјави портпаролката на руското Министерство за надворешни работи Марија Захарова, коментирајќи ја пораката од американскиот Стејт департмент во која се изразува надеж за продолжување на прекинот на огнот по Велигден.

Би можело да ве интересира

(ВИДЕО) Украина: Уништивме еден борбен руски авион Су-30 и оштетивме уште четири авиони

Горан Наумовски

Русија премести најмалку четири тешки нуклеарни бомбардери Ту-95МС поблиску до Европа

Горан Наумовски

Медиуми: Зеленски се подготвува да си замине од функцијата

Руски напад врз Запорожје, има мртви и повредени

Орбан предвиде кога ќе заврши војната во Украина

САД: Санкции за Русија доколку Москва до петок не се согласи на прекин на огнот во Украина