На маргините на Самитот за Азиско-пацифичка економска соработка (АПЕК) во Виетнам се сретнаа претседателот на Русија Владимир Путин и американскиот претседател Доналд Трамп и потврдија дека се решени да се борат со Исламска држава за конечна победа над организацијата.
Тие повикаа на почитување на суверенитетот, независноста и територијалниот интегритет на Сирија. Во соопштението се вели дека за конфликтот во Сирија не постои воено решение и дека претседателите се согласиле дека конечното политичко решавање на конфликтот треба да биде во рамки на процесот во Женева и во согласност со Резолуцијата 2254 на Советот за безбедност на ОН.
Трамп и Путин се договориле за продолжување на користењето на постоечките воени комуникациски канали за осигурување на безбедноста на американските и руските војници, како и за спречување на инциденти со партнерските сили кои се борат против ИД.
Тие ја потврдиле важноста на де-ескалаторната зона во Сирија како привремена мерка за намалување на насилството, а разговарале и за формирање на де-ескалациони зони и во други делови од Сирија.
Двајцата претседатели повикале и на зголемување на хуманитарната помош за Сирија во наредните месеци.
Соопштението било подготвено од експерти од двете земји, а пред Трамп и Путин биле потврдено и од Тилерсон и Лавров.