Американскиот претседател Доналд Трамп со неговиот руски колега Владимир Путин „ги разгледа перспективите“ за создавање на безбедносни зони во Сирија, како една од мерките за постигнување траен мир во земјата, соопшти доцна синоќа Белата куќа.
Во соопштението се посочува дека двајцата претседатели во телефонски разговор се согласиле оти „страдењето во Сирија трае премногу долго“ и дека САД и Русија треба да сторат се што е во нивна моќ за прекин на насилството.
– Двајцата претседатели имаа многу добар разговор кој вклучуваше и разгледување на перспективите за создавање на безбедносни зони за постигнување траен мир, се наведува во соопштението на Белата куќа.
Како што јави ТАСС, Трамп и Путин разговарале и за заедничките напори за „исокренување на тероризмот на Блискиот Исток“, како и за можностите за „решевање на опасната состојба во Северна Кореја на најдобар начин“.
Ова е прв телефонски разговор меѓу Трамп и Путин по американскиот ракетен напад врз сириската воена база на 7 април.