Американскиот претседател Доналд Трамп и неговата сопруга Меланија Трамп ненајавено го посетија Ирак за да се сретнат со американските војници за Божиќ, изјави портпаролката на Белата куќа Сара Сандерс.
Сандерс напиша на Твитер дека претседателот е во Ирак за да ги посети американските војници и нивните команданти, да им се заблагодари за нивната служба, успех и жртва и да им посака Среќен Божик.
Ова е прва посета на Трамп во воена зона откако стана претседател. Тој често пати беше критикуван поради тоа што не ги посетува американските војници во конфликтните области.
На враќање од Ирак, каде што помина три часа со војниците, Трамп ќе ја посети и американската воена база Рамштајн во Германија каде ќе се сретне со војници.