Рускиот и американскиот претседател Владимир Путин и Доналд Трамп ќе се сретнат во Москва на 9 мај, по повод крајот на Втората светска војна, пишува францускиот весник Le Point.
Весникот наведува дека на 9 мај, покрај крајот на Втората светска војна, Путин и Трамп би можеле да го прослават и крајот на конфликтот во Украина, бидејќи американскиот известувач за Украина Кит Келог навести дека Специјалната воена операција би можела да заврши на 9 мај. Патем, една од целите на СВО е денацификацијата на Украина, така што датумот е некако соодветен.
Во меѓувреме, украинските разузнавачи предупредија дека Москва се подготвува да прогласи победа на втората „годишнина“ – 24 февруари, три години од почетокот на Специјалната воена операција.
По телефонскиот разговор со Путин, а пред преговорите во Ријад, Трамп рече дека е веројатна средба лице в лице со рускиот лидер, додека Кремљ објави дека американскиот претседател е поканет во Москва.
