Јапонскиот премиер Шинѕо Абе и претседателот на САД Доналд Трамп остварија телефонски разговор, откако Пјонгјанг лансираше нова нуклерна ракета, при што ги осудија „континуираните дестабилизирачки провокациски акции“ на Северна Кореја, соопшти Белата куќа.
Американскиот претседател нагласи дека „себе си и своите сојузници Вашингтон ќе ги штити со бројните дипломатски, конвенционални и нуклеарни капацитети со кои располага“.
Двајцата лидери ги осудија континуираните дестабилизирачки провокативни акции на Северна Кореја. Ги потврдија цврстите ветувања на двете земја за заедничката одбрана и ветија дека ќе ја продолжат блиската соработка, стои во соопштението на Белката куќа.
Северна Кореја вчера ја изврши шестата и најсилна нуклеарна проба, посочувајќи дека детонирала унапредена хидрогенска бомба за ракета со голем дострел.