Трамп е нервозен од здружувањето на Путин, Си Џинпинг и Ким Џонг Ун

Од:

Додека во Пекинг се одржуваше голема воена парада каде што Кина презентираше ново оружје, американскиот претседател Доналд Трамп објави порака на својата социјална мрежа „Вистина“ во која ги „прозва“ кинескиот претседател Си Џинпинг, рускиот претседател Владимир Путин и севернокорејскиот лидер Ким Џонг Ун, кои беа заедно на парадата.

„Големото прашање е дали кинескиот претседател Си ќе ја спомене огромната поддршка и „крв“ што Соединетите Американски Држави ѝ ја дадоа на Кина за да помогнат во обезбедувањето на СЛОБОДАТА од многу непријателски странски напаѓач. Многу Американци загинаа во потрагата на Кина по Победа и Слава. Се надевам дека ќе бидат соодветно почитувани и запомнети по нивната храброст и жртва“, напиша Трамп.

„Нека претседателот Си и прекрасниот народ на Кина имаат голем и траен ден на прослава. Ве молам, пренесете ги моите најтопли поздрави до Владимир Путин и Ким Џонг Ун додека заговарате против Соединетите Американски Држави“, додаде тој.

Коментарите на Трамп дојдоа додека Си Џинпинг, обраќајќи се пред 26 светски лидери, вклучувајќи ги Путин и Ким, ја опиша „незапирлива“ Кина која „никогаш нема да биде заплашена од насилници“. Парадата беше искористена и за да се претстави нова генерација оружје, вклучувајќи нуклеарни ракети, ласерски системи и поморски беспилотни летала.

Би можело да ве интересира

Сијарто е дециден: Трамп е единствената надеж за мир

Орбан се соочува со голема дилема: Трамп или руска нафта

Трамп: Украинската криза ќе биде решена

Горан Наумовски

Рејтингот на Трамп падна на најниско ниво досега

Горан Наумовски

Такер Карлсон: Путин е убедливо најпопуларниот лидер во светот

Горан Наумовски

Јапонија и САД потпишаа договор за обезбедување резерви за ретки минерали