Во пожар што избувна синоќа во дрвена станбена зграда во Новосибирск загинаа четири лица, од кои три беа жени и еден маж, а тројца повредени се хоспитализирани, објавија денес руските медиуми.
– Во петок, во 23.48 часот по локално време, избувна пожар во трикатна дрвена зграда изградена во 1941 година. Четиринаесет единици противпожарна опрема беа распоредени за гаснење на пожарот, соопштија локалните власти, објави РИА Новости.
Според окружниот оддел за Цивилна заштита и вонредни состојби, дваесет и шест жители на изгорената зграда се евакуирани.