Тинејџер од Флорида составил договор со кој го обврзува својот училишен пријател, да ги убие членовите на неговото семејство, во замена за 1.200 долари.
Како што пренесе „Дејли њуз“ четиринаесетгодишното момче е уапсено поради сомнеж дека планирало да го убие своето семејство, откако неговиот татко ги пронашол документот и нож.
-Јас ќе бидам изнајмен убиец. Свесен сум дека нема да ми исплати доколку не ја извршам задачата. Износот за кој се договоривме е 1.200 долари-пишува во договор.
Тинејџерот подоцна во полиција признал дека планирал да го убие своето семејство и да исценира кражба.
Неговиот училишен пријател навел дека го потпишал договорот, бидејќи сметал дека се работи за шега и дека никогаш не мислел да го изврши убиството кое што го планирал неговиот соученик.
Е. Г.