Терористички напад во Израел: Еден напаѓач пукал, друг бодел со нож

Од:

Еден човек на околу 70-годишна возраст загина, а четворица други се тешко повредени во терористички напад во Хаифа денеска, соопштија од градската служба за итни случаи.

Службата за итна помош „Маген Дејвид Адом“ објави дека во истиот напад тешко се ранети тинејџер и маж и жена на возраст од 30 години, како и една жена на 70-годишна возраст која е во умерено тешка состојба, објави „Тајмс оф Израел“.

Според медиумите, нападот го извршиле двајца напаѓачи, од кои едниот отворил оган додека другиот ги избодел минувачите.

Шефот на израелската полиција Даниел Леви изјави дека полицијата се уште се обидува да го потврди идентитетот на напаѓачот кој утринава го изврши терористичкиот напад во Хаифа.

„Идентитетот на елиминираниот терорист се уште не е јасен. Ја скенираме областа за да го исклучиме присуството на дополнителни напаѓачи“, рече Леви во изјавата по обиколката на местото на нападот.

Повредените се пренесени во медицинскиот центар Рамбам на северот од градот.

Би можело да ве интересира

Кац: Кој и да му наштети на Израел, ќе биде седумкратно казнет

Трамп: Нема да дозволам Израел да го анектира Западниот Брег, доста е веќе

Израелците поставуваат звучници во Газа за Палестинците да можат да го слушнат говорот на Нетанјаху во ОН

Хамад: Го чекавме овој момент 77 години

Вучиќ во Њујорк со Нетанјаху: Отворена темата за склучување договор за слободна трговија

ВИДЕО: Хутите ја пробија одбраната на Израел, над 20 повредени во нападот со дронови