Телото на пилотот, кој беше убиен при соборувањето на рускиот авион Су-24 во Турција, денеска беше испратено во Русија, соопштија турски претставници, цитирани од агенцијата „Анадолија“.
Претставниците кои побараа да останат неименувани, прецизираа дека посмртните останки на пилотот, биле транспортирани вчера со руски авион.
Авионот полетал од аеродромот „Есенбога“ во Анкара.
Од рускиот авион кој беше соборен минатата недела поради нарушување на турскиот воздушен простор, како што тврди Анкара, успеаа да се катапултираат двајца пилоти, од кои едниот подоцна беше убиен од страна на џихадистите во Турција.