Тело на бебето е пронајдено утрово во објект за сортирање отпад во Бремен. Според германските медиуми, вработените го пронашле телото и го пријавиле случајот во полиција.
Според првите информации, станува збор за девојче, но причината за нејзината смрт е непозната.
– Добивме налог за обдукција, таа ќе биде извршена денес за да се утврди причината за смртта – објасни Франк Пасаде, портпарол на Јавното обвинителство на Бремен.
Сè уште не е познато кој го оставил телото на бебето во ѓубрето.
Јавното обвинителство и полицијата работат на разјаснување на дополнителни детали како што напредува истрагата.