Повеќе од илјада Германци ја напуштиле владејачката коалиција на Ангела Меркел за да се придружат на новата евроскептична партија, објави Телеграф.
– Владата тврди дека нема алтернатива за нивната политика. Еве, сега ја има, вели Бернд Лук основач на Алтернатива за Германија.
Таа партија повикува на укинување на еврото и планира анализи за растечкото незадоволство заради трошоците за кризата во јужна Европа.
Новата партија сега има околу 8.000 членови – 1.200 се од Христијанските демократи, баварските Христијанска социјална унија и Слободни демократи, најмлади партнери во коалициската влада.
Алтернатива за Гермнаија има поддршка и од поранешните социјални демократи и многумина на кои тоа им е прва политичка припадност.
Лук вели дека новата партија е изборна закана за Меркел и додава дека нема да влезе во коалиција со ниту една партија која го поддржува еврото.
– Дали некој верува дека луѓето прифатиле идеја да платат стотици милијарди евра за лошо управување во други држави во еврозоната? – запраша Лук на конгрес на партијата во Берлин.
– Не, волјата е јасна – нема одговорност за странските долгови. Ова евро, ова евро обременото со долгови не го сакаат луѓето, наведе Лук.