Таџикистан повторно го ограничи пристапот до интернет страницата за споделување видео содржини „ЈуТјуб“, соопшти вчера во Душанбе претседателот на таџикистанското здружение на интернет провајдери Асомидин Атоев.
– Најмалку четири интернет провајдери го ограничија пристапот до „ЈуТјуб“, изјави Атоев.
Ова е четврта забрана на страницата во Таџикистан од јули 2012 година.
ЈуТјуб во 2012 година не беше активен три месеци, откако владините сили почнаа акција против криминална група во Корогу. Една година подоцна пристапот беше ограничен откако се појави понижувачки видео запис со претседателот Емомали Рахмон.
Годинава властите на повеќе пати од технички причини го блокираа пристапот до „ЈуТјуб“ и „Фејсбук“ и неколку други интернет страници.