СЗО: Случаите со Ковид-19 се во пораст во Африка и Америка

Од:

Бројот на заразени со коронавирус во Африка и во САД се зголемува поради ширењето на подвидот на сојот Омикрон на Ковид-19, изјави Тедрос Аданом Гебрејесус на денешниот брифинг.

Во светот, извештаите за смртни случаи продолжуваат да се намалуваат, рече тој, додавајќи дека бројот на заразени за една недела во моментов е „најмал“.

„Но, овој тренд, иако е восхитувачки, не ја покажува целосната слика. Сведоци сме на зголемување на бројот на заразени во Америка и Африка предизвикани од подвидови на Омикрон, предупреди генералниот директор на Светската здравствена организација (СЗО).

Според епидемиолошкиот билтен на СЗО од 4 мај, во неделата од 25 април до 1 мај, во светот се регистрирани 3.893.033 случаи на инфекција со коронавирус и 15.695 смртни случаи. Морбидитетот во светот минатата недела е намален за 17 отсто, а смртноста за три отсто во однос на претходните седум дена. Процентот на зарази е зголемен во Африка (31отсто) и Северна и Јужна Америка (13отсто), додека во останатите четири региони има пад.

Извор: МИА

Би можело да ве интересира

ВИДЕО: Олуите и торнадата во САД однесоа 23 жртви, 300 илјади луѓе без струја

Пет лица загинаа во торнадо во Ајова, десетици се повредени

Три лица загинаа во авионска несреќа во САД

(ВИДЕО) Нова драма во САД: Брод удри во мост, се излеа нафта, спасувачките служби го блокираа сообраќајот

Горан Наумовски

Волстрит порасна, но инфлацијата во САД не се намалува

САД се длабоко вознемирени од грузискиот закон за странски агенти