Светската здравствена органзиација објави планови за забрзано разработување експериментални вакцини против ебола и соопшти дека стотици илјади дози од нив треба да бидат подготвени за употреба во Западна Африка до средината на 2015 година.
СЗО потврди дека две од преложените вакцини веќе се на ниво на испитување на луѓе, и во процес на изработка се уште пет чии клинички тестови ќе почнат следната година.
– Пред крајот на првата половина од 2015 година, ќе имаме подготвени неколку стотици илјади дози. Можеби ќе бидат околу 200.000, рече заменикот генерален директор на СЗО, Мари Пол Киени по средба во Женева со шефови на компании и здравствени експерти како и претставници на регулаторни органи и донатори.