Израелската полиција денеска, трет ден по ред, се судира со палестински демонстранти во најчуствителното свето место, на влезот во џамијата Ал Акса во Ерусалим.
Младите демонстранти утринава повтроно се собраа околу џамијата и почнаа да фрлаат камења врз полицијата, која во голем број влезе во светилиштето и на провокациите одговори со шок бомби, соопшти портпаролката на полицијата Луба Самри, додавајќи дека до сега „нема жртви, ниту апсења“, пренесоа француските медиуми.
Демонстрантите стравуваат дека Израел се обидува да ги измени правилата за управување со светото место, со кои на Евреите ќе им се озовможи да ја посетуваат џамијата Ал Акса, но не и да се молат.
Новото распламтување на протестите доаѓа и покрај повиците на Обединетите нации и САД за воздржаност и предупредувањето на Јордан, кој има старателство врз муслиманските свети места во Ерусалим во согласност со мировниот договор со Израел од 1994 година.
Јордан, кустосот на ова муслиманско светилиште, го повика Израел да го обнови мирот во градот, додадават американските медиуми.