Претседателот на Судан, Омар Башир, кој со земјата владее од 1989 година, го назначи својот прв потпретседател и долгогодишен сојузник, Хасан Салех, на новосоздадената должност премиер на земјата, јави заменик претседателот на владеачката партија, Ибрахим Махмуд, цитиран од ДПА.
-На седницата на партијата, со која раководеше претседателот Башир, одобрени беа номинацијата на Хасан Салех за премиер и неговото останување на функцијата прв потпретседател, рече Махмуд.
Салех денеска ќе положи заклетва на новата функција и веднаш ќе ги почне преговорите за состав на новата влада.