Соработката меѓу ЕУ и НАТО од исклучок се претвора во правило, изјави генералниот секретар на Алијансата, Јенс Столтенберг, пред комисијата за надворешни работи на Европскиот Парламент.
Тој забележа дека средбата на шефовите на држави и влади од НАТО во Брисел подоцна овој месец ќе биде кратка, но важна, особено заради присуството на новите претседатели на САД и на Франција.
„Ќе бидеме 29 членки, затоа што ќе присуствува и претставникот на Црна Гора, земјата, на која пред неколку недели сите држави од Алијансата и го ратификуваа членството“, посочи Столтенберг.
На седницата на врвот на НАТО ќе се разговара за трансатлантските врски, поделбата на трошоците, борбата против тероризмот. Според Столтенберг, борбата против терористите предвидува политички, дипломатски и економски мерки. Има и воен елемент во борбата со тероризмот, како што покажуваат дејствијата против Исламска држава, дополни генералниот секретар.
– Ја поздравувам силната европска одбрана, изјави Столтенберг.
„Со развојот на плановите во оваа област ЕУ треба да ги дополнува напорите на НАТО, а не да се натпреварува со нив, искоментира Столтенберг.