Состојбата на човековите права во Кина и понатаму се влошува, соопшти Стејт департментот.
Заменик државниот секретар на САД Мајкл Познер, обраќајќи се по годишниот дијалог САД-Кина за човековите права, изјави дека САД сметаат дека Кина се движи во погрешен правец кога станува збор за човековите права.
„Нашата порака до кинеската Влада е дека остварила напредок на економско поле, но дека сега е момент да се отвори простор на луѓето да им се дозволи да се разликуваат“, истакна Познер.
Годишните дијалози САД-Кина за човекови права станаа пракса на дипломатскиот календар за средби меѓу двете земји, но досега немаат некакви конкретни резултати.