Британскиот премиер Кир Стармер се осврна на конфликтот на Блискиот Исток додека разговараше со новинарите на самитот на НАТО во Холандија.
Тој рече дека е време да се „искористи оваа можност за стабилизирање на регионот“ и дека сега е клучно да се обезбеди прекинот на огнот меѓу Израел и Иран да остане на сила.
Тој додаде дека Иран треба да се врати на преговарачката маса со Соединетите Американски Држави.
„На крајот на краиштата, така ќе обезбедиме целосен, проверлив и неповратен крај на нуклеарната програма на Иран“, рече тој.
„Ги користиме сите дипломатски лостови за да го поддржиме овој напор.“
Стармер го осуди иранскиот напад врз американската база како „неодговорен“.
Британскиот премиер, исто така, им рече на новинарите дека е во близок контакт со лидерите во регионот. Тој рече дека вчера разговарал со емирот на Катар за да изрази солидарност „по неодговорниот напад на Иран“ врз американската база во таа земја.