Околу 200 луѓе воглавно рибари кои рибарат на мраз, се спасени од две санти мраз во Ришкиот залив на Балтичкото Море, но најмалку 20 се уште се на една од сантите, соопшти спасувачката служба.
Тие отфрлија претходни информации дека дури 500 луѓе се во опасност.
– Имаше вкупно 180 луѓе заробени на санта кај Вакарбули и околу 40 кај Мајориј во Ришкиот залив, изјави Викторија Сембеле, портпарол на државната пожарникарска и спасувачка служба. Таа додаде дека се уште не се извлечени 20 луѓе и никој од луѓето кои се спасени немал повреди.