Создавањето демилитаризирана зона меѓу Украина и Русија е од суштинско значење за прекин на огнот, но и едно од спорните прашања во меѓународните дипломатски напори за наоѓање мирно решение, изјави француски дипломат.
Според него, меѓу останатите проблеми се и контролата на украинско-руската граница и идниот статус на реоните во источниот дел на Украина, кои се под контрола на проруските бунтовници.
Но, и покрај несовршеноста на новиот француско-германски план за мир и скептичноста на рускиот претседател Владимир Путин, францускиот дипломат сепак изрази надеж дека четиристраната средба на високо ниво ќе се одржи утре во Минск.