Италијанската крајбрежна стража во понеделникот соопшти дека била принудена да употреби хеликоптер за да спаси 32 мигранти, вклучително и едно дете, кои од претходниот ден беа заглавени на пуст остров во централниот дел на Медитеранот.
-Спасувањето на мигрантите заглавени на островчето Лампионе, кое е дел од истиот архипелаг како и островот Лампедуза, се покажало невозможно по море поради „исклучително неповолните“ морски и временски услови, се вели во соопштението на крајбрежната стража.
Хеликоптерот ги однел мигрантите во Лампедуза, вообичаена точка за симнување на мигрантите кои тргнале по море од Тунис и Либија.