Североисточниот дел на Соединетите Американски Држави денеска го зафати силно снежно невреме кое предизвика откажување на голем број летови и железнички линии.
Училиштата спроведуваат учење на далечина.
Повеќе од 12 сантиметри снег се забележани во округот Хартфорд, Конектикат, додека повеќе од 25 сантиметри снег наврнале во делови на Пенсилванија, пренесува New York Post.
На аеродромот Ла Гвардија во Квинс откажани се повеќе од 40 отсто од појдовните и 36 отсто од влезните летови, додека меѓународниот аеродром Њуарк Либерти во Њу Џерси откажа повеќе од 20 отсто од појдовните летови.