Најмалку 85 лица починаа во Соединетите Американски Држави, од Тексас до Њу Џерси, како резултат на снежна бура и ниски температури кои паднаа до 40 степени под нулата, соопштија американските власти.
Половина од смртните случаи се пријавени во Тенеси, Мисисипи и Луизијана, и додека некои смртни случаи се припишуваат на хипотермија, се сомнева дека други се поврзани со изложеност на јаглерод моноксид од извори на топлина што се користат во области каде што немало струја, објави денес АП.
Повеќе од 230.000 домови и бизниси беа без струја од синоќа, според веб-страницата за следење на прекините Poweroutage.us по зимската бура што погоди големи области на Соединетите Американски Држави во текот на викендот.