Интензивни врнежи од снег го попречуваат сообраќајот од виенскиот аеродром Швехат, чија прес служба соопшти дека привремено е прекинато слетувањето авиони на тој аеродром.
– Колку долго ќе трае тој прекин не може да се предвиди, рекоа претставници од аеродромот. Тие додаваат дека авионите кои требало да слетаат во Виена се пренасочуваат кон Линц или Грац.
Воведен е и ограничен режим на полетување на авиони од тој аеродром. Многу летови се откажани, а голем дел од летовите се извршуваат со повеќечасовно доцнење.