Смог го покри Милано, воведени се ограничувања: „Излезете што помалку“

Од:

Италијанските власти денеска воведоа ограничувања во Милано и околните провинции во северна Италија во обид да се справат со смогот. Ограничувањата вклучуваат делумна забрана за дизел возила и забрана за огнови на отворено и употреба на одредени печки на дрва, пишуваат медиумите. Тие се воведени за Милано и уште осум провинции во регионот Ломбардија.

Високото ниво на честички веќе некое време предизвикува проблеми во густо населениот регион во северна Италија. Во неделата воздухот во Милано беше на моменти трет најлош во светот според рангирањето на приватната швајцарска еколошка компанија IQAir. Пред Милан се само Дака во Бангладеш и Ченгду во Кина.

Во зима, смогот е добро познат проблем во некои поголеми италијански градови. Посебно е погодена долината на По на северот од земјава поради недостиг на циркулација на воздухот, што е последица на нејзината поставеност меѓу високите планини. Покрај тоа, високата густина на населеност во областа значи дека има многу возила и куќи кои произведуваат емисии.

Недостигот од ветер и дожд ја влошуваат ситуацијата. Во Милано, градот ги повикува жителите да го намалат греењето на 19 степени Целзиусови во затворени простории за да се намалат емисиите на гасови. Официјалните лица исто така препорачуваат луѓето да поминуваат што е можно помалку време на отворено.

Би можело да ве интересира

Родители осудени на доживотен затвор, ја убија ќерката затоа што одби договорен брак

А1он

ВИДЕО: Големо невреме на Алпите, загинаа татко и син кои помагале во спасувањето

(ВИДЕО) Трагедија во Италија – кај градот Соренто пукна кабина на жичарница, загинаа 4 лица

А1он

(ВИДЕО) Поплави во Италија, снежна бура на Алпите, падна еден метар снег, градови се отсечени

Хаос на протестот во Рим: Италијански студенти фрлаа јајца кон „метите“ Мелони и Фон дер Лајен

Наводен руски дрон забележан во Италија, обвинителството започна истрага