Претседателот на Либерија, Елен Џонсон-Срлијф ги смени сите министри и други високо позиционирани функционери кои не ја послушаа нејзината наредба да се вратат во земјата, која се бори со епидемијата од ебола, соопштија американските медиуми.
Во соопштение на прес-службата на претседателот, објавено доцна синоќа, не се споменува колку и кои точно министри се сменети.
Наредбата да се вратат и да останат во Либерија беше дадена пред неколку недели, заедно со прогласувањето на вонредната состојба во земјата.
Еболата досега ја предизвика смртта на повеќе од 1.400 лица од западна Африка, вклучувајќи ја и Либерија, која е најсилно зафатена од болеста.