На слика пронајдена во црквата „Исус Христос“, која што во 1939 година е изградена во местото Хоф, во северна Баверска се наоѓа лице кое потсетува на Адолф Хтлер и тоа во друштво на Исус.
Како што пренесе „Дејли меил“ лицето со карактеристичните мустаци и очи, неверојатно потсетува на Хитлер, поради што верниците бурно реагирале и побарале сликата да се отстрани од црквата.
Инаку црквата во која што се наоѓа оваа слика многумина ја нарекуваат „нацистички храм“, но некогашниот свештеник кој работел тука тврди дека таа нема врска со Хитлер.
Тој вели дека и покрај тоа што црквата е изградена во непопуларно време, спорната слика само ја глорифицира моќта од тоа време, а не и Адолф Хитлер.
Е. Г.