Сите 242 лица во авионот на Ер Индија што се урна денес во западна Индија загинаа, објави локалниот весник Indian Express, повикувајќи се на полицијата.
Реклама
Во авионот имало 230 патници, двајца пилоти и десет членови на екипажот.
„Тајмс оф Индија“ претходно објави дека авионот „Боинг 787 Дримлајнер“ на Ер Индија, кој летал за Лондон, се урна кратко по полетувањето од меѓународниот аеродром Сардар Валабхаи Пател.
Според нивниот извештај, авионот се урна во областа Мегани во градот, што предизвика итна интервенција.
Индиската полиција објави фотографија од авионот од местото на несреќата, чија опашка пробила дел од зградата
Според податоците од апликацијата FlightRadar24, последниот сигнал од авионот е примен само неколку секунди по полетувањето.
Индискиот министер за воздухопловство Кинџарапу Рам Мохан Наиду изјави дека е „шокиран и скршен“.
„Во состојба сме на максимална подготвеност“, додаде тој и истакна дека се мобилизирани спасувачки екипи.
„Ер Индија“ потврди дека летот AI171 од Ахмедабад до Лондон доживеал несреќа по полетувањето.
„Летот, кој полета од Ахмедабад во 13:38 часот, превезуваше 242 патници и членови на екипажот во авион „Боинг 787-8“. Од нив, 169 биле индиски државјани, 53 британски државјани, еден канадски државјанин и седум португалски државјани“.