Силен град го погоди централниот дел на Словенија и главниот град Љубљана, областа Врхника и подрачјата од Лог и Брезовица, објавија денес словенечките медиуми.
Бурата започна во сабота попладне, со силни ветрови кои „кинеа“ покриви и кршеа дрвја. Градот беше со големина на орев, на некои места падна голема количина што мораше да се отстрани со лопати, а се верува дека бурата предизвика штета на земјоделските парцели.
Словенечката хидрометеоролошка служба објави дека времето ќе се стабилизира и дека денес ќе биде релативно сончево со утрински температури од седум до 13 степени Целзиусови, со максимални 16 степени Целзиусови во словенечка Истра.