Силите, лојални на либискиот генерал Халифа Хафтар, поддржани од владините војски соопштија дека ја вратиле контролата врз базите во источниот град Бенгази, кои беа преземени од исламистичките милиции.
– Четири кампови во околината на Бутани веќе се под контрола на Либиската армија, изјави командант од силите на Хафтар за либискиот сајт Ал Васат.
Базите биле преземени доцна синоќа по жестоките судири, речиси еден месец по нивното заземање од страна на милициите.
Тој не го прецизираше бројот на жртвите. Според него воените операции во Бенгази продолжуваат.
Хафтар ја иницираше воената кампања против исламистите во Бенгази во мај, изјавувајќи дека неговата цел е да ги протера терористите од градот.
Во главниот град Триполи милииците, кои се борат една против друга од средината на минатиот месец водат битка за контрола на меѓународниот аеродром.