Сијарто: САД имаат корист од рецесијата во Европа

Од:

Унгарскиот министер за надворешни работи Петер Сијарто денеска оцени дека САД имаат корист од рецесијата во Европа.

„Транзицијата на европската економија во рецесија е добра вест за американската економија и се чини дека Америка може да има корист од тоа“, изјави Сијарто.

Според него, ситуацијата во Европа е „жалосна“, бидејќи „Европската комисија доста го спречува“ протокот на инвестиции во земјите-членки на ЕУ.

„Европската унија прави патетични обиди да ги замрзне инвестициите во земјите-членки. Инвестициите се единствениот начин да се избегне рецесија во екот на војната во Украина и санкциите против Русија“, рече Сијарто.

Тој додаде дека Унгарија ги користи инвестициите како клучна економска инјекција по пандемијата на коронавирусот и дека инвестициите се неопходни за одржување на економскиот раст.

„Постигнавме рекорди во претходните години, но можевме да добиеме повеќе инвестиции доколку Европската комисија не ги блокираше“, рече Сијарто.

Тој истакна дека Европската комисија ја блокира Унгарија да ги добие парите кои и следуваат, па дури и дека ја спречува да ги користи своите пари за отворање нови работни места.

Извор: МИА

Би можело да ве интересира

Унгарија со најмногу корупција во јавниот сектор во цела ЕУ

А1он

Орбан го блокираше пакетот воена помош на ЕУ за Украина во вредност од 500 милиони евра

А1он

Сијарто: Унгарија ќе гласа против членство на Косово во европските тела

А1он

Унгарската војска ја напушти границата кон Србија

А1он

Унгарија се соочува со тешка криза, може ли Орбан да преживее

Ана Ололовска

Украина: Орбан не го почитува нашиот народ, политички е кратковид

Ана Ололовска