Унгарија апелира до европските лидери да не ги поткопуваат напорите на американскиот претседател Доналд Трамп за решавање на војната во Украина, бидејќи новиот мировен план содржи клучни елементи за идната безбедност на Европа, изјави денес унгарскиот министер за надворешни работи и трговија Петер Сијарто.
Сијарто, според извештаите на MTI, оцени дека предлогот на САД носи „надеж за мир“ и „јасно покажува“ дека претседателот Трамп „продолжува да прави сè во интерес на мирот и не се откажува од своите напори“.
Според него, доколку европските лидери не ги блокираа иницијативите на Трамп со месеци, „ќе имаше добри шанси за мир во Украина“.