Кина е подготвена да ја продолжи меѓусебната поддршка и соработка со Русија кога станува збор за прашањата на суверенитетот и безбедноста, изјави кинескиот претседател Си Џипинг.
Тој денеска телефонски разговараше со рускиот претседател Владимир Путин. „Без оглед на глобалните промени во светот, кинеско-руските односи сè уште имаат добра динамика на развој“, рече Си Џипинг, а пренесува кинеската државна телевизија.
Според него, Кина е подготвена да соработува со Русија за да обезбеди стабилен развој на билатералната деловна соработка.
Зборуваше и портпаролот на Кремљ, Дмитриј Песков, кој потврди дека Путин и Си разговарале, иако не коментираше за што се разговарало за време на разговорите.