Шведската полиција, која ја истражува можната саботажа на два кабли со оптички влакна во Балтичкото Море, денеска соопшти дека во областа каде што се случиле инцидентите се наоѓал кинески брод.
Бродот „Ли Пенг 3“ помина во неделата и понеделникот во близина на двата кабли за кои се верува дека се отсечени во сомнителниот злонамерен напад.
Бродот Кинсеки бил набљудуван од брод на данската морнарица додека бил во водите меѓу таа земја и Шведска, објави Гардијан.
Данската одбрана објави дека била присутна во близина на кинескиот брод.
Специјализирани шведски тимови за пребарување под вода денеска беа на местото на финско-германскиот кабел, еден од двата оштетени подводни оптички кабли, за да соберат докази за истражителите.