Шумските пожари зафатија повеќе од 17.500 хектари во Русија, соопшти Службата за заштита на шумите.
Според податоците на регионалните шумски служби, 57 шумски пожари, кои зафаќале површина од 1.369 хектари, биле изгаснати вчера.
Има вкупно 69 активни пожари, на површина од 17.595 хектари, се вели во соопштението, истакнувајќи дека службите се на терен и работат на гаснење на пожарите.
Најголем број пожари е забележан во регионот Краснојарск и Хакасија, објави новинската агенција ТАСС.