Претседателот на Руската Федерација Владимир Путин најави делумна мобилизација во оваа земја. Станува збор за регрутирање само на оние граѓани кои моментално се во резерва, а пред се на оние кои служеле во вооружените сили и имаат одредена воена специјалност и соодветно искуство.
Рускиот министер за одбрана Сергеј Шојгу изјави дека Русија не е во војна само со Украина, туку и со целиот Запад.
Тој, исто така, истакна дека Русија има огромни мобилизациски ресурси и дека за време на делумната мобилизација ќе бидат повикани 300.000 резервисти.
Според шефот на Министерството за одбрана, првенствено е потребна делумна мобилизација за контрола на одбранбената линија долга 1.000 километри и ослободените територии.
Како што претходно објасни рускиот претседател Владимир Путин, Русите кои се делумно мобилизирани ќе ги добиваат истите гаранции и исплати како војниците со договор.
„Би сакал да истакнам дека граѓаните на Русија, повикани на воена служба по мобилизацијата, ќе го добијат статусот, исплатите и сите социјални гаранции на воениот персонал што служи според договорот“, рече тој во телевизиско обраќање.