Покрај тоа што за свои мети во Авганистан ги имаше високите талибански претставници, НАТО на својата листа „легитимни“ цели имаше и многу пониско рангирани претставници на талибанците, со што ги доведуваше во опасност животите на цивилите, објави германскиот весник „Шпигл“.
Весникот повикувајќи се на документи доставени од поранешниот американски разузнавач Едвард Сноуден наведува дека американската Агенција за национална безбедност (НСА), потоа британската разузнавачка агенција GCHQ и мисијата на НАТО во Авганистан (ИСАФ) имале листа на „целнио убиства“ во периодот од 2009 до 2011 година.
„Шпигл“ истакнува дека на листата биле имињата на 750 лица кои биле мета на ИСАФ. Но, на листата имало и претставници од среден и нисок ранг на хиреархијата на талибанците. ТАквите операции носеле ризик и по цивилите.
– Според грубите проценки колатералната штета требало да биде десет цивили, а командантот на ИСАФ во Кабул одлучувал дека ризикот е оправдан, изјави за „Шпигл“ претставник на ИСАФ кој ги подготвувал листите.