Рускиот министер за одбрана Сергеј Шојгу изјави дека пратките со оружје што НАТО ги испраќа во Украина Русија ќе ги смета за цели што треба да се уништат, пренесе агенцијата РИА.
Тој додаде дека украинските војници забарикадирани во фабриката за челик Азовстал во Мариупол биле држени во безбедносна блокада откако претседателот Владимир Путин наредил таму да бидат херметички затворени.
Во исто време, Министерството за одбрана објави дека руски подморници во Црното Море истрелале две крстаречки ракети „Калибар“ кон цели во Украина. Минатиот месец Русија за прв пат објави дека користи подморници за да ги нападне украинските сили