Украинскиот премиер Денис Шмихал денеска соопшти дека владата го одобрила потпишувањето на договорот меѓу Украина и САД за создавање на Инвестициски фонд за реконструкција.
„Денеска Владата ги носи неопходните одлуки за потпишување на договор меѓу Украина и Соединетите Американски Држави за формирање на Инвестициски фонд за реконструкција“, рече Шмихал.
Шмихал објасни дека договорот ќе има шест клучни точки, а според првата, Украина и САД создаваат Инвестициски фонд за реконструкција, кој ќе биде во заедничка сопственост и управуван од владите на двете земји.
Тој истакна дека ресурсите на Украина нема да бидат префрлени во сопственост на САД или на кој било друг.