Израел е во состојба на „отворена војна“ со Иран, изјави вчера претседателот Шимон Перес во ексклузивно интервју за Си Ен Ен.
Перес изјави дека Израел располага со „доволно“ солидни разузнавачки информации за да го поврзе атентатот во Бугарија, во кој загинаа петмина Израелци, со Иран и со либанското движење Хезболах и е убеден дека тие планираат нови напади како дел од, како што се изрази, „отворената војна против Израел“.
Перес, меѓутоа, предупреди дека Израел ќе дејствува за да ги спречи натамошните атентати.
Запрашан дали експлозијата во Бугарија и останатите обиди за атентат биле одмазда за убиствата на иранските нуклеарни научници, за кои Иран го обвинува Израел, Перес изјави дека Израел никогаш не ја презел одговорноста за овие убиства. Но, тој забележа дека Израел има право да ги спречува убиствата на неговите граѓани.
Перес кажа дека политиката на Израел има за цел „превенција“, а не „одмазда“.